NEW YORK, MERKA, AFP.- E alkalde di New York a anunsiá djaweps ku lo sera tur skol públiko den e siudat, kual ta akohé 1,1 mion mucha i hóben. Lo sera tur skol kuminsando djaweps dor di un oumento den kasonan di Corona vírus
“New York a reportá un oumento di mas o ménos 3% di kasonan di COVID den shete dia. desafortunadamente, esaki, ta nifiká ku e edifisionan di skolnan públiko lo ta sera for di awe mainta komo medida di prekoushon”, asina e alkalde Bill de Blasio a bisa riba su kuenta di Twitter.
“Nos mester kombatí e di dos ola di COVID-19”, asina el a añadí.
E direktor di skolnan, Richard Carranza a detayá ku lo duna lès riba distansia te ku próksimo aviso.
E medida a keda kuestioná pa motibu ku e tasa di tèst positivo den establesimentunan edukativo for di dia a habri den sèptèmber ta muchu mas abou kompará ku e tasa promedio di e siudat.
