NEW YORK TA ELIMINA EKSAMEN DI INGLES PA SHOFURNAN DI TAKSI

NEW YORK, AP. – Shofùrnan di taksi na New York, ya no mester traha un eksamen di ingles bou di reglanan nobo kual su ophetivo ta pa fasilitá imigrantenan pa haña trabou mas fásil.

E eksamen pa lisensia di taksista lo ta disponibel den vários idioma segun reglanan ku a drenta na vigor siman pasa djabièrnè.

E konseho munispal a aprobá e kambio den aprel i alkalde Bill de Blasio a sanshoná e norma.

New York Times a informá ku outoridat a buska pa igualá e situashon meskos ku e servisionan di Uber, ku no ta rekerí un eksamen di ingles.

For di vários dékada kaba, mayoria taksista di e siudat ta estranhero.

Segun e Komishon di Taksi i Limuzin, apénas 4% di shofùrnan aktual ta nase na Merka.