Presidente di Nicaragua, Daniel Ortega, huntu ku su kasá i ko-presidente Rosario Murillo
SAN JOSE, COSTA RICA, AFP.- Nicaragua a aplasá aprobashon di un reforma konstitushonal pa ekskluí elekshon di partidonan opositor. E medida a kousa rechaso i kritiká internashonal, segun indikashon di e ko-presidente nikaragwense Rosario Murillo.
Asamblea Nashonal i outoridatnan elektoral, kontrolá pa gobièrnu, ta preparando algun lei despues di un solisitut di presidente Daniel Ortega. E petishon ta pa no laga “golpistanan” partisipá na servisio di Merka. Asina e ta referí na su atversarionan.
E votamentu mester a tuma lugá den ougùstùs.
E ko-presidente i kasá di Ortega a señalá ku e inisiativa a keda presentá pa e kuerpo diplomátiko i ku e proseso lo konta pa tur sektor.
E lei nobo lo konta pa Korte Supremo, Ehérsito, Polis, sektornan empresarial, bankario, iglesianan i pueblonan indígena entre otro, asina Murillo a menshoná.
Vários pais i organisashon internashonal a rechasá e intenshon di Ortega. E presidente ta na poder pa kasi 20 aña kaba.
Merka a atvertí ku “nos lo no keda man krusa” kontra e “diktadura”. Union Europeo a pidi gobièrnu nikaragwense pa organisá a elekshon konforme reglanan internashonal.
Ortega di 80 aña, i su kasá Rodario Murillo di 75, ta goberná ku poder apsoluto. Nan tin un kontròl fuerte riba sosiedat, spesialmente despues di e protestanan di 2018 ku a laga mas di 300 morto, segun indikashon di Nashonnan Uní.
