MERKA.- Finalmente Nicki Minaj por referí na Kenneth ‘Zoo’ Petty komo su kasá sin konfundí niun hende. Esaki despues ku den pasado el a usa ‘husband’ komo nòmber di kariño pa deskribí e rapper di 41 aña.
Minaj a anunsiá e notisia ayera ku un video riba Instagram kaminda e ta mustra kòpinan di ‘Mr. & Mrs.’ i pèchinan di beisbòl pretu i blanku ku tabatin ‘Bride’ i ‘Groom’ skibí na parti dilanti. Ku e komentario ‘Keeping it simple’, el a publiká e video.
