NIGERIA, AP.- Vários empresa di propiedat surafrikano ku ta operá na Nigeria a sufri atakenan violento na man di hóbennan komo represaya pa e atakenan ku a keda hasí kontra di imigrantenan afrikano ku ta traha na Suráfrika.
Polis surafrikano a arestá mas di shen persona den sinku zona afektá pa e violensia na Johannesburg i Pretoria.
Hopi hóben a sali den kayanan djamars anochi den algun siudat nigeriano pa ataká negoshinan ku ta propiedat surafrikano.
Vários korant lokal a informá djamars ku a sende un ofisina di un kompania di telekomunikashon surafrikano grandi MTN na Ibadan. Otro multitut rabiá a destrosá e ofisina di MTN na Uyo i otro propiedat mas.
Mei mei di indignashonnan provoká pa atakenan na nigerianonan na Suráfrika, e hóbennan a sali den kaya den vários siudat di Nigeria djamars anochi pa ataká negoshinan di propiedatnan surafrikano.
Un hóben a sende e ofisina di e empresa surafrikano di telekomunikashon MTN na Ibadan na sùitost di e pais i otro a ataká i provoká e ofisina di e mesun kompania na Uyo na sùitwèst segun korantnan lokal a informá.
Glasnan kibrá, tayernan i mashinnan dañá tabata bentá riba suela den e negoshinan di MTN na Surulere un bario kaminda djárason tabatin trùknan di polis stashoná pafó.
“Nan a drenta e negoshi i a bai ku laptop i hopi otro kos”, asina Bala Muhammaed a bisa na The Associated Press. “Mi mester a sera mi kiosko pasobra mi tabatin miedu pa e hendenan ku tabata probechá di e oportunidat ei pa horta. Esaki a yega di sosodé ántes ya ku tabatin hopi hende i no sa nunka ken tin di konsiderá responsabel.