ABIYAN , Kosta Marfil (AFP).- Diesun persona ta pèrdí den zùitwèst di Kosta di Marfil despues ku un nijlpaard a bòltu un boto den e riu Sassandra. “Ku profundo tristesa nos a tuma konosementu dje desaparishon di 11 persona, entre nan hende muhé, mucha i un beibi, despues ku un nijlpaard a bòltu e embarkashon”, segun e minister Myss Belmonde Dogo, den un publikashon riba su página di Facebook.
Segun Dogo, e insidente a tuma lugá djabièrnè mainta trempan den e lokalidat di Buyo, den zùitwèst dje pais, i tres persona a sobrebibí. “E búskeda ta sigui ku speransa di haña mas víktima”, segun Dogo.
Di akuerdo ku un estudio realisá den 2022 pa akadémikonan marfileño, den e pais nijlpaard ta animalnan ku ta aparesé ku mas frekuensia den insidentenan ku hende, ku ta resultá den morto òf leshon den e pais. Ta kalkulá su poblashon na 500 dje animalnan, repartí den vários riu den zùit dje pais.
