Dr Roland Kock, Optima Arbo Dienst
WILLEMSTAD.- Dia 28 di aprel ta dia mundial di seguridat i salú na Trabou i na Kòrsou nos tin dia 1 di mei ku ta dia di obrero. Kon e parti di seguridat ta na trabou realmente i kon e situashon laboral na Kòrsou ta. Nos a papia ku dòkter Roland Kock Bedrijfsarts na Optima Arbo Dienst.
E situashon laboral na Kòrsou ta relativamente bon, pero ainda falta hopi kos pa drecha. E guia di hende pa ku situashon den trabou no tei tur kaminda. No tur trahadó ta haña e kuido di salú den trabou i ta kompanianan ku e moda, ta aserká un Arbo Dienst i hopi no ta hasié. Segun dòkter Kock, hopi empresa ta mantené na e mínimo i ta spera riba SVB pa hasi e kòntròl di ousensia di trahadó malu i esei ta kla. Traha riba sirkunstansianan di trabou ta bai muchu mas ku wak e apsentismo na trabou.
Ta kompanianan ku e mira so ta aserká Arbo Dienst i hopi no tin. Dòkter Kock a bisa ku e kompania grandi ta aserká nan, pero e tiendanan chikí no ta hasié miéntras ku ta netamente einan mester di e kuido. Nos leinan no ta obligá doño di trabou pa wòrdu asesorá dor di spesialistanan i p’esei hopi no tin e kuido ei.
Pa loke ta e Leinan laboral, ainda no a yega manera mester ta einan. Leinan aktual no ta duna sufisiente protekshon.
Dòkter Kock a menshoná ku den nos kódigo sivil tin obligashon pa ku e doño di trabou pa salbaguardiá sirkunstansia di trabou i komo trahadó pa sigui e reglanan pa nos ta salú na trabou. Pero esei ta den kódigo sivil. Si e trabou no a regla algu i resultá ku e trahadó a haña leshon na su salú, e tin di bai korte pa bringa pa e derechi. Leinan no ta duna e protekshon delantá.
Tin sierto lei manera e ‘veiligheids landsverordening’. ta un lei hopi dirigí riba seguridat di trabou, pero trabou awendia ta muchu mas ku e stelazje òf slep kai i voral awor ku trabou a bira mas mental i e funshon mental ta hunga un ròl. I den e kaso aki e ta rekerí mas protekshon mental.
E trahadónan ku funshonnan ku físikamente ta mas pisá, e trabou duru falta atenshon pasobra hustamente e kompania ei hopi bia no ta serka un Arbodienst. Pero dòkter Kock ta haña ku no mester bagatelisá e parti mental, voral den e tempu aktual di digitalisashon i teknologianan nobo. Hopi trabou awendia ta struktura i AI ta hopi usa i ta rekerí e parti mental. No ta pasobra un hende ta sinta den èrko ta nifiká ku e tin ménos riesgo, e dòkter a enfatisá. Tur trabou tin su riesgo, tantu trabou sinta komo para, e trabou físikamente pisá i esun mentalmente pisá. Bo por ta sinta den kamber ku èrko i no tin bentana pa wak si ta di dia òf anochi, i den un kamber sinta ku muebelnan nobo ku ta saka holó kímikonan. Otro ku no tin e materialnan tambe pa hasi e trabou optimal. Tur esei ta riesgonan ku e trahadó sinta den un ofisina ta kore i ku por kousa su malesa.
