Partisipashon na doñonan di establesimentunan di permít
WILLEMSTAD.- Mañan ta marcha di Seu 2025. Hopi preparashon, kayanan lo ta super drùk I tin un ke otro ku mester tene kuenta kuné. I den e kuadro aki e partisipashon di Kuerpo Polisial.
Departamento di Pèrmit di Kuerpo Polisial Kòrsou ta partisipá lo siguiente na doñonan di establesimentunan di pèrmit.
Promé, durante i despues di marcha de seú dia 21 di aprel 2025, no ta permití establesimentunan di pèrmit riba e ruta di seú, pa bende ningun tipo di bebida den glas òf na bòter di glas. Ta permití bende i sirbi bebida únikamente den kùp.
Di e manera aki nos ta garantisá seguridat di tantu partisipantenan den e marcha, tur esnan ku mester traha durante di e marcha di seú i públiko general.
Ta gradisí tur propietario di negoshinan ku ta bende konsumo, di antemano pa nan koperashon den esaki.
