WILLEMSTAD – Partido MAN a deklará di forma transparente, ku MAN ta respetá desishon di elektorado di Kòrsou ku a skohe pa e rumbo ku MFK i PNP a garantisá pueblo di Kòrsou, den kua e partidonan aki a sigurá pueblo votadó, ku nan lo bin ku solushonnan ku NO ta den kuadro di COHO, akuerdo polítiko i Landspakket. MAN su posishon ta, ku ta MAN ta duna espasio na e parlamento nobo ku ta sinta aki 3 siman pa tuma desishonnan den kuadro di nan vishon i plan di implementashon. Gobièrnu demishonario a manda e proposishonnan di lei pa parlamento.
Den kaso ku MFK i PNP ta konsiderá ku e parlamento aktual mester tuma e desishonnan pa implementá e medidanan ku tin den Landspakket promé ku 11 di mei, anto MFK ta liber, pa aprobá e medidanan den Landspakket ku ta mará na e proseso di COHO, ku e 5 asientonan ku MFK tin aktualmente den parlamento.
Den edishon di EXTRA mayan lo tin un relato amplio riba e kontesta di partido MAN.
