Tur tèst di esnan den kontakto ku speshalista infektá ta negativo

WILLEMSTAD.-Curaçao Medical Center (CMC) a sigui su kontròlnan di forma rigoroso i tur tèst ku a hasi relashoná ku e personanan ku tabata den kontakto ku e speshalista infektá ku Covid-19, ta negativo. Esei bosero di CMC a konfirmá pa EXTRA awe mainta. E informashon ku direktorado di informashon di gobièrnu a emití ayera nochi ta indiká ku tin tres kaso nobo riba djaweps, esta ayera. Dos kaso ta liga na kasonan eksistente i di un kaso e fuente no ta konosí ainda. E sifranan ofisialmente pa ayera ta lo siguiente: Kòrsou tin for di mart te awor 78 kaso di kua 38 ta aktivo. Tin 39 hende ku a rekuperá i un persona a fayesé.

Riba e pregunta di EXTRA si akaso tin hende hospitalisá den CMC pa Covid sra. Gibbs a indiká ku esei no ta e kaso. Ketu bai tin atenshon pa e kaso di e speshalista ku a keda infektá den hospital, pero esei CMC tin e situashon bou di kontròl. E bon notisia ta ku tur empleado i pashènt ku tabata den kontakto ku e speshalista a pasa tèst, i tur tèst a sali negativo.

LAGA UN KOMENTARIO

Please enter your comment!
Please enter your name here