SEOUL, SURKOREA, AFP.- Norkorea a tira dos misil balístiko di alkanse kòrtiku e siman aki, segun indikashon di ehérsito di Seul, despues di e último tèst di Pyongyang, promé ku un bishita di visepresidente di Merka, Kamala Harris na Surkorea.
E lansamentunan, parti di un bombardeo rèkòrt di prueba di arma e aña aki di Norkorea, a tuma lugá despues ku e agensia di spionahe di Seoul a atvertí ku Pyongyang ta na punto di realisá un tèst nuklear mas.
Ehérsito di Surkorea a bisa ku a “detektá dos misil balístiko di alkanse kòrtiku ku a keda lansá desde área di Sunan na Pyongyang”.
E misilnan a kubri “alrededor di 360 kilometer, ku un altura di 30 kilometer i un velosidat di Mach 6”. Segun indikashon di Estado di Seoul den un komunikado, i a agregá ku ta analisando detayenan di e lansamentunan.
Hapon a konfirmá e aktividat i Merka tambe a kondena e lansamentunan, pero a indiká ku ainda e pais ta habrí pa dialogá ku Norkorea.
E último lansamentu a tuma lugá despues ku Norkorea a tèst un misil balístiko di korto alkanse djadumingu.
