SEUL, AP.- Norkorea a deklará djaluna ku e “komentarionan iresponsabel” di e sekretario di Estado Mike Pompeo resientemente ta mustra ku Merka no kier kontinuá ku e negosiashonnan.
Despues di un konferensia di video ku ministernan di eksterior di G7 siman pasa, Pompeo a afirmá ku e komunidat internashonal mester keda uni den su intento pa pidi e régimen norkoreano pa sigui ku e negosiashonnan.
E tipo di deklarashonnan aki ta mustra ku Merka no kier para un posibel “konfrontashon”, segun indikashon di e gobièrnu norkoreano den un komunikado dirigí na e direktor di departamento di Ministerio di Eksterior enkargá ku e negosiashonnan ku Washington.
El a agregá ku e deklarashonnan di Pompeo ta “komprometé e imágen di diálogo i ambiente faborabel ku e presidente merikano a konstruí i krea”.
E komunikado no a spesifiká ki medida Norkorea lo tuma. Pero a afirmá ku Merka lo mester paga pa “loke e pais a kousa den nos pueblo”. Akinan e karta a referí na e sanshonnan ekonómiko ku a afektá e ekonomia norkoreano.
