SEUL, SURKOREA, AP.- Norkorea a tira un misil balístiko desde un supmarino pero posiblemente esaki a frakasá den e promé etapa di e buelo, esun mas resien di ensayonan di e tipo aki ku ta parti di e intentonan di Pyongyang pa desaroyá un teknologia kapas di transpor tá kabesnan nuklear, segun Merka i Surkorea.
E Komando Stratégiko di Merka a bisa ku e rekorido di e misil a wòrdu detektá djasabra i ku posiblemente esaki a kai den laman entre península di Korea i Hapon.
E misil a keda lansá desde un sitio serka di e lokalidat na kosta norkoreano di Sinpo, kaminda analistanan a detektá akshonnan anterior di Pyongyang pa desaroyá sistemanan di misil balísitko tirá desde supmarinonan, segun un funshonario di Ministerio di Defensa na Seul, ku a papia ku kondishon pa keda anónimo segun normanan di e departamento.