WILLEMSTAD.- Kòrsou despues di 15 aña ta bolbe haña un Reina di Tumba. Djasabra mardugá Jefdaney Manuela a keda koroná komo Reina di Tumba 2025. E ta bira e di tres dama ku ta karga e korona.
E komposishon ‘Nos bida ta un fiesta’ a keda komponé pa e trio di ‘Curaçao Tumba Vibes’ ku ta konsistí di Marvin Snijders, Furgell Wijngaarden i Ingemar Pietersz. Areglo dje tumba tabata na enkargo di Darrel ‘Titi’ de Palm i ONE FLAVAZ a kompañá Jefdaney durante di su partisipashon.
Un Jefdaney realmente emoshoná fo’i despues ku a anunsiá Amos Balentin komo di dos finalista i Adjatay komo e promé finalista. Pa ONE FLAVAZ e triunfo di Jefdaney ta hasi ku nan ta e banda ku ta gana tumba ‘back to back’. Bou di direkshon di Randal Corsen, e banda a bolbe resaltá ku tremendo presentashon logrando kuater tumba den Tòp 10 di Festival di Tumba 2025. Masha pabien na Jefdaney ku e título di ‘Reina di Tumba 2025’.
