WILLEMSTAD –  Extra Intermediate a tene un entrevista ku Sherrintley da Costa Gomez  ku ta e manager di e ekipo di Liga Pabou ku ta den kampionato Latino Amerikano di Intermediate. E selekshon di Liga Pabou ta invikto ku rèkert di di 2 ganá i 0 pèrdí. Sherrintley: “Nos a prepará bon i ta kla pa bai semi-final i final. Nos a prepará riba tur kos, kondishon, picheo, bateo, fildeo, situashon di wega i asta e parti mental.  Nos ekipo tin sigur 9 pa 10 picher.  Pa djabièrnè nos no tin picher pa habri ainda, ta dependé kiko ta bai pasa pa loke ta wer i medidanan ku tuma. Pichernan ku posiblemente lo bai habri ta Shackleyson Margarita, Isaac Acosta, Qion Oesla òf Sherrintley da Costa Gomez.  Vários hungadó bon den drive serka nos ku ta batiendo e bala masha bon i hasiendo e trabou den defensa. Mi line-up tin sigur 8 batiadó ku ta dal e bala bon i fuerte. Mi tin hopi fé den e ekipo aki ku lo pasa den semi-final pa yega final.“

Gilvelton Josephina ku tin 7 hit den 8 turno. 6 di e 7 hitnan aki ta extra base.

 

 

 

 

 

 

 

Reagan Randt Kirindongo ku tin un homerun bula waya den e wega kontra e selekshon di Colombia.

 

 

 

 

 

Sherrintley da Costa Gomez tambe lo picha si ta nesesario djabièrnè.

LAGA UN KOMENTARIO

Please enter your comment!
Please enter your name here