Noti-X 🎥Tres ‘puppy’ reskatá di morto kruel
WILLEMSTAD. – Tin hende (si por yama nan hende) ku kurason duru. Ayera algun persona atento a ripará algu straño na Landfill ora ku nan a tuma nota di un persona ku a tira algu den un kònteiner na Landfill. Despues di e laga e saku di plèstik ku e tabatin den su man kai i kana bai, un persona ku tabata djis pegá i ku tabata opservá kiko ta pasando, a tende yoramentu di kachó chikí. Ora ku el a bai wak kiko ta pasando, el a tuma nota di un saku di plèstik ku tres “puppy” na bida aden ku e persona a laga kai den e kònteiner i kana bai. E persona a logra saka e kachónan for di e situashon ku nan tabata aden i evitá ku e “puppy” nan lo stek. Di e forma aki a skapa e kachónan. Ta trata di tres bunita “puppy’ ku lo haña doño nobo ku si stima bestia. Ta inkreibel kon por tin “elementonan” ku simplemente por tira tres kachó chikí na bida mará den un saku di plèstik den un kònteiner na Landfill pa bai muri un morto kruel. Stanley Ignacio a keda pone na altura di e kaso i mesora a sòru pa e kachónan risibi e kuido i atenshon nesesario.