PARIS, AP.- E katedral di Notre Dame lo keda será pa públiko pa sigur seis aña largu, segun indikashon di e iglesia su rekto, dos dia despues ku un kandela a kima e dak i laga e toren di e edifisio kolèps.

“Un parti di e katedral a keda hopi frágil”, dor di e kandela, segun obispu Patrick Chauvet a bisa durante un enkuentro ku empresarionan lokal.

E presidente di Fransia, Emmanuel Macron, a fiha un término di sinku aña pa restorá e monumento di siglo XII. Fielnan i empresarionan rònt mundu a primintí un total di kasi 1.000 mion dòler pa restourá e edifisio.

E representante di herensia kultural di presidente, Stephane Bern, a bisa na e kadena France-infro a logra kolektá 880 mion euro. Apple i doñonan di L’Oreal, Chane i Dior, katóliko i otro personanan di Fransia i otro paisnan ta entre esnan ku lo hasi un donashon.

E promé minister franses a anunsiá un kompetishon internashonal di arkitektura pa drecha angua di e katedral.

Ainda no tin un kalkulashon di loke e renobashon ta bai kosta. “Esaki ta un desafio enorme”.

Ekspertonan ku ta investigá orígen di e kandela no a drenta e tèmpel ainda debí ku e no tabata safe, segun fiskal di Paris.

 

LAGA UN KOMENTARIO

Please enter your comment!
Please enter your name here