PARIS, AP.- E arsobispu tabatin un hèlm i ainda por a mira e ruinanan di palu ku a kima. Solamente 30 persona por a drenta den e promé misa den katedral di Notre Dame, for di dia un kandela masivo a destruí su dak i toren di e misa.
E misa a wòrdu presidiá pa e arsobispu parisino Michel Aupetit na un parti ku ekspertonan a determiná ku ta safe.
E minister di kultura, Franck Riester a bisa e siman aki ku ainda e katedral ta “frágil”, spesialmente e dak ku ainda ta kore rísiko di kolèps.
Pa motibu di seguridat, solamente 30 persona, spesialmente saserdote, kanóniko i empleadonan eklesiástiko a haña pèrmit pa drenta e edifisio pa e misa. Mayoria tabatin hèlm bisti. Algun di e trahadónan ku ta rekonstruí e tèmpel tambe a wòrdu invitá.
E seremonia por a wòrdu presensia bibu via un kanal di televishon katóliko.
