WILLEMSTAD.- Atministrashon di Now  a bai di forma korekto. Esaki ta keda konfirmá pa e deklarashon di aprobashon ku gobièrnu di Korsou a risibí.

Manera ta konosí Gobièrnu di Kòrsou, na momentu ku e pandemia di COVID-19 a bati na porta di Kòrsou, a aserka Hulanda pa hasi fiansa pa apoyo presupuestario i sosten na empresario(nan) pa mantené kuponan di trabou (NOW).

Sekretario di estado Sr. Raymond Knops / BZK a bai di akuerdo ku nos petishon di fiansa i un di e kondishonnan estrikto tabata ku Kòrsou mester pèrkurá pa un sistema di atministrashon debido ku mester ta suheto na un skrutineo pa un kantor di akountent eksterno indiká pa Cft

Dia 12 di yüni 2020 Sekretario di estado señor Raymond Knops (karta BZK, nr 2020-0000345683) a duna instrukshon na Cft pa laga un kantor di akountent eksterno hasi e investigashon pa determiná kon hinter e proseso di atministrashon di fondonan di NOW risibí a keda ehekutá.

Cft a duna e kantor eksterno di akountent hulandes BDO e tarea pa hasi e investigashon konserní konforme palabrashon hasí.

E kantor eksterno di akountent hulandes BDO a hasi su investigashon i a emití un rapòrt ku resultado(nan). E investigashon hasí pa BDO a basa su mes riba konfiabilidat i rendimentu di kuenta i rason i legalidat finansiero di montante(nan) raportá. Ademas e investigashon a konsentrá riba hinter e proseso i prosedura implentá for di e Portal di registrashon di MEO, kontròl di SvB, kontròl di SBAB, kontròl di ministerio di Finansa, kontròl di SOAB i pagonan hasí riba kuentanan di empresa(nan).

E rapòrt di BDO no ta públiko. Sinembargo, Cft a informá Minister di Finansa i ministerio di Finansa kual ta e resultado di e investigashon. Konklushon di e rapòrt di BDO ta: Kòrsou a risibí un “goedkeurende verklaring”.  Esaki a keda konfirmá i publiká tambe den e karta di Cft nr.  202100024  di dia 10 di mart 2021.

Esaki ta enserá ku fondo(nan) risibí den kuadro di NOW a keda atministrá, ehekutá i  raportá na un manera korekto!

LAGA UN KOMENTARIO

Please enter your comment!
Please enter your name here