WILLEMSTAD.- Urvin “Nuto” Wawoe a opta pa mantene su lepnan riba otro awe mainta pa loke ta trata e akusashonnan kontra dje pa tradikashon di droga. Ora ku hues a konfronta e akusado ku e akusashonnan pa trafikashon di droga, el a hasi apelashon riba su derecho pa keda ketu. Mester bisa ku ta for di djaluna el a antisipa ku e lo bai asumi e posishon ei. Den e kaso aki konosi komo “Themis”, Nuto ta ser akusa di un kantidat di likidashon, pero tambe di ta envolvi den trafikashon di droga. Den e kaso aki a referi na un kantidat di 30 kilo di kokaina ku lo mester a Sali di Korsou, sigui pa St. Maarten, Hulanda, Fransia i Belgika na ougustus 2020.
Tambe e ta ser akusa di a yuda den preparashon pa eksportashon di 140 kilo ku lo mester a pasa e ruta Korsou, St. Maarten, Hulanda i Jamaica. Finalmente e lo mester ta envolvi den preparashoni kordinashon di un lote di 172 kilo ku a Sali di Korsou, pasa Hulanda i yega Fransia.
Den e kaso aki Nuto, kontrali na su kaso di ayera, a opta pa keda ketu, niun palabra over di e lotenan.
