WILLEMSTAD.- Awe mainta a start ku tratamentu di e kaso kontra Urvin Wawoe alias ‘Nuto’. No opstante ku tabatin hopi espektativa pa e kaso aki mester bisa ku e interes di públiko no tabata asina grandi. Probablemente esaki tabatin di haber ku e aspekto di seguridat kual tabata hopi estrikto. Pa loke ta e kaso mes, e liña kòrá ku a kore ta ku Nuto a nenga tur kos ku tabata den su kontra. El a nenga di tabata miembro di un organisashon kriminal konosí komo No Limit Soldiers (NLS). Segun e akusado, e tabatin kontrakt su ku un kas diskero pa komposita kantika bou dje nòmber ei, pero nada di aktividatnan kriminal.
Hues mr. Waarts a pasa dor di algun den promé kasonan, e.o. di Hato Shooting i Nuto a nenga di a duna órden. Segun e akusado, e tipo di aktividatnan pisá asina ta di un nivel hopi haltu pe. Ta importante pa bisa si ku Nuto no kier a duna muchu deklarashon ya ku e ta teme pa su seguridat i di su famia na Kòrsou.
){kind=link}