NEW YORK, AP.- E siudat di New York a registrá e promé morto di un persona bou di 18 aña komo kousa di e coronavírus, segun e kantidat di morto den e episentro di e epidemia na Merka a sigui subi rápidamente.
Outoridat munisipal a anunsiá djamars ku lo proveé e siudat ku 250 ambulans i 500 paramediko pa yuda atendé ku e kantidat haltu di pashènt. Un hospital temporal den un sentro di konvenshon a kuminsá aseptá vários pashènt.
E Departamento di Salú di e siudat a registrá e promé morto di un persona bou di 18 aña komo kousa di e corona vírus, ounke no a anunsiá su edat eksakto. Mas di 1.200 persona a fayesé komo kousa di e vírus den estado di New York, kaminda e kantidat di personanan hospitalisá a subi 9.500. Mas di 66.000 persona a tèst positivo pa e vírus, inkluyendo 38.000 mas den siudat di New York.
Vários hospital den e siudat ta kompletamente òf kasi kompletamente yen.
