ALBANY, NEW YOORK, MERKA, AP.- E estadonan New York i Massachussetts a demandá Volkswagen i Audi i tambe Porsche pa e kaso di manipulashon di emishon, indikando ku e fabrikantenan aleman di outo a defroudá e usuarionan dor di bende vehíkulonan ku motor diesel ekipá ku software pa permití nan burla di pruebanan di emishon kontaminante.
E demanda, a inisiá djamar s , ta sostené ku Volskewagen i su afiliadonan a bende mas di 40.000 vehíkulo den e dos estadonan ku e aparatonan aki instalá. Ademas, nan ta akusá empleadonan di kompania pa purba kubri e manipulashon presentando dokumentonan falsu den e dos estadonan i destruyendo evidensia inkriminador.
“E akusashonnan kontra Volkswagen, Audi i Porsche ta revelá un kultura di arogansia korporativo, kombiná ku un indiferensia konsiente kontra lei i protekshon di salú públiko i ambiente”. Asina e sekretario di Hustisia di New York, Eric Schneiderman a indiká.
“E demandanan mester sirbi komo un alerta den tur e salanan korporativo ku si un kompania kometé un tipo di ilegalidat kalkulá i sistemátiko, nos lo usa tur forsa di lei pa protehá nos siudadanonan”, asina el a agregá.
Ehekutivonan haltu di VW, inkluyendo e direktor ehekutivo di e tempu ei, martin Winterkom, tabata sadieengañoiapartisipá pa kubri esaki, segun e demanda di New York.
