ALBANY, NY, MERKA, AP.- E estado di New York lo kubri e kuota di solisitut di suidadania di mas e ménos 2000 imigrante di ménos rekurso, i e ganadónan lo wòrdu selekshoná atraves di un loteria.
Asina funshonarionan estatal a informá djárason. E sorteo lo habri pa imigrante nan ku ta biba den estado kende su entrada ta abou. Pero demasiado haltu pa risibí asistensia federal. Rossana Rosado, sekretaria di estado di New York A bisa ku e kuota aktual di 680 dòler pa e solisitut di suidadania ta un karga pa hopi imigrante. Alrededor di 160 mil di nan ta kumpli ku e rekisitonan pa partisipá asina el a señalá. E gobièrnu di Andrew Cuomo a outorisá loteria despues ku aktivistanan pa derechi di imigrante a proponé e idea. “Donantes” privá lo kontribuí ku sèn pa yuda e estado pa paga e kuotanan di solisitut. E gobièrnu federal no ta kobra kuotanan di solisitut di suidadania pa imigrantenan ku entrada mas abou.
Mas o ménos 400 mil imigrante den estado ta konta ku e rekisitonan nesesario pa un dispensashon di pago federal.
