BERLIN, AP.- Eks presidente merikano Barack Obama lo partisipá otro luna na Berlin na un konferensia ku kansier aleman Angela Merkel. esaki lo pasa durante marko di un konferensia di e iglesia luterano organisá pa e 500 añanan di e Reforma protestant na Alemania. Asina e organisadónan a bisa djamars.
E evento di 25 di mei ta wòrdu realisá dilanti di Porta Brandemburg, kaminda Obama a duna un diskurso komo presidente na 2013, segun indikashon di e Iglesia luterano i organisadónan di e konferensia Kirchentag di protestant di Alemania.
E bosero di Obama, Eric Schultz, a konfirmá e plannan di e eks presidente pa uni ku Merkel pa “un kombersashon moderá tokante importansia di demokrasia i asumí e responsabilidat lokal i global”.
E obispu luterano prinsipal di Alemania, Heinrich Bedford-Strohm, a bisa ku e partisipashon di Obama ta “mustra kon nos ta selebrando e 500 aña di Reforma internashonalmente
Bedford-Strohm a invitá Obama den mei último pa bishita Alemania pa e aniversario.
E rebelion di Martin Lutero kontra práktikanan di e Iglesia katóliko a kuminsá na Alemania na aña 1517.
Obama a biaha pa Berlin meimei di novèmber, den su último biahe europeo komo presidente di Merka. Schultz a bisa ku den próksimo simannan lo publiká “detayenan adishonal” tokante bishita di Obama den Europa.
