WASHINGTON, AP.- E presidente Barack Obama, no a bai di akuerdo pa diskulpa na e kandidato presidensial di e Partido Republikano Mitt Romney. Esaki pa un deklarashon hasi pa un asistente den ta bisa ku e presentashon di dokumentonan falsu na outoridat di parti di Romney lo por hiba na un akusashon di delito grave.
“No, nos no ta diskulpa nos mes”, asina Obama a bisa den un entrevista graba djasabra ku e
kanal WAVY-TV den e siudat di Portsmouth, den estado di Virginia, i publiká djadumingu riba página web di e stashon ei. “Mener Romney ta afirmá ku e ta “señor Drechadó” ku e ta referí na e ekonomia debí na su eksperensia empresarial. Pues mi ta haña ku e elektornan mester sa ken ta kompletá legítimamente kiko eksaktamente ta su eksperensia empresarial”.
Obama a kaba ku un gi ra di kampaña di dos dia na Virginia, kòrdando e votadónan di diskrepansianan entre e registro di Komishon di Balor i Kambio di e vershon di Romney riba su partisipashon den e firma di invershonnan Bain Capital.
E supgerente di e ekipo di kampaña di Obama, Stephanie Cutter, a sugerí djaweps ku Romney lo por ta kulpabel di delito grave di kambia e deklarashonnan dilanti e Komishon di Balor i Kambio riba su posishon den Bain Capital.
