ROMNEY I REPUBLIKANONAN “SIN SERIEDAT” PA KU DEFISIT
VIRGINIA BEACH, AP.- E presidente Barack Obama a bisa djabièrnè ku si su kontrinkante Mitt Romney i e lidernan republikano no ta dispuesto na pèrmití fin di rekortenan fiskal pa merikanonan mas riku, “nan ta karesé di seriedat” pa ku henter e redukshon di défisit.
En buska di votonan na Virginia, ku a bira un kampo di bataya elektoral, Obama a pidi pa
amplia redukshonnan fiskal konsedé durante e gobernashon di George W. Bush na esnan ku ta gana 250.000 dòler òf ménos miéntras tur dos parti ta diskutí tokante ken tin ingresonan di mas haltu. Esaki lo afektá 2% di merikanonan.
Obama a bisa ku legisladornan mester avansá i yuda e famianan di klase media.
Obama a buska pa provoká un kol i shon frontal den un kontroversia krusial ku Romney i e republikanonan kende ta sigurá ku e presidente a promové e alsa di impuesto i e pèrmit di e kresementu di défisit federal den último tres añanan i mei.
Romney a deskribí e plan di Obama komo un alsa enorme di impuestonan ku lo perhudiká e empresanan chikí, un di e sektornan importante den generashon di trabounan nobo.
