OSLO, NORUEGA, AP.- Presidente Barack Obama a a bisa ku komité di premio Nobel a “tuma e desishon korekto” despues di otorgá Nobel di Pas na su homólogo kolombiano Juan Manuel Santos pa su esfuersonan pa pone fin na un guera sivil ku a laga por lo ménos 200.000 kolombiano morto.
Obama a indiká ku e premio di djabièrnè a manda e mensahe ku pas mester wòrdu respaldá den un mundu di konflikto. El a agregá ku e premio ta un tèstamènt di liderazgo “firme” di Santos durante añanan difísil di negosiashon ku rebeldenan kolombiano ku intenshon di yega na un akuerdo pa terminá sinku dékada di konflikto armá.
E pueblo kolombiano a rechasá e akuerdo aki den un referèndem pa e akuerdo di pas siman pasá. Obama a bisa ku e voto ta mustra ku mester di mas esfuerso riba e tema aki. El a splika ku Santos i e pueblo kolombiano por sigui konta ku sosten di Merka den e proseso aki.
Merka a apoyá e negosiashonnan di pas di Colombia ku rebeldenan di FARC.
