MADRID, AP.- Presidente Barack Obama, a yega e palasio Real di Madrid, den e kapital di Spaña pa reuní ku rei Felipe VI.
Despues di un seremonia kòrtiku, Obama i e monarka a saludá nan respektivo delegashonnan bou di kandelaber di oro i kristal i un dak dekorá den e sala di resepshon di e palasio.
E rei a gradisí Obama pa su bishita den e pais apesar di e situashon ku ta biba den Merka.
Obama a bisa ku tabatin un “siman difísil” pero el a indiká ku e bishita tabata importante pa e aliansa fuerte entre ámbos nashon i a manifestá ku e kier a keda mas largu.
Obama a redusí su bishita di dos dia i lo regresá Washington despues di pasa solamente un dia den e pais. E desishon a keda tumá despues ku dos hòmber koló skur a muri na man di polis na Louisiana i Minnesota i despues ku un frankotirador a asesiná sinku polis na Dallas.
