WASHINGTON, AP.- Presidente Barack Obama a bisa ku a manda 47 sòldat merikano pa Sur Sudan, meimei di un brote preokupante di violensia den e pais.
Obama a informá na Kongreso ku e trupa a yega djamars i tin e tarea di protehá personal di Merka ku ta traha den Sur Sudan, embahada merikano i propiedat merikano den e nashon afrikano. El a indiká ku e sòldatnan lo keda einan te ora e situashon di seguridat mehorá sufisiente pa esaki no ta nesesario mas.
E mandatario a bisa ku e trupa ta “ekipá pa kombate”.
Obama a bisa ku 130 sòldat merikano mas ta serka di Repúblika Dijbouti, kla pa wòrdu mandá Sur Sudan si esaki bira nesesario.
Un kombate entre forsanan armá opositor a lanta miedu pa e regreso di un guera sivil. E kombate a inkluí atakenan di trupanan gubernamental na un base di Organisashon di Nashon Uní i un kampamentu ku ta sirbi komo refugio pa sivilnan desplasá.