NEW YORK, AP.- Den un video di realidat virtual nobo, presidente Barack Obama, ta paresé den un representashon di video 360 grado di e Parke Nashonal Yosemite, pa atvertí tokante e menasa di kambio di klima.
E video di 12 minüt, nará pa e presidente, ta elogiá e maravianan di e parkenan nashonal di Merka i ta pidi pa defendé esaki i preservá esaki.
E produkshon, realisá pa National Geographic den asosiashon ku estudio Oculus di Facebook i spesialistanan di e tipo aki den teknologia tambe ta un testimonio di kon poderoso un RV por ta.
Por mira e video grátis desde djaweps, na momentu ku el a konmemorá den sentenario di Servisio Nashonal di Parkenan. E ta disponibel pa tur di Gear Samsung atraves di e servisio di video 360 grado di Facebook. Tambe e lo ta disponibel desde korto riba Oculus Rift.
Ounke e video ta focus riba bista pa preservá parkenan nashonal, e eksperensia ta tokante un oportunidat pa gosa di maravianan natural di Yosemite.
Ku ekiponan adekuá, e video ta asina real ku e espektador por kasi mishi ku e yerba rondó di dje. Mas despues den e video, e usuario ta sinti manera e ta flotando den un kanoa di bèrdat.
