BALTIMORE, AP.- E obispunan katóliko merikano a inisiá un reunion nashonal despues di preshon pa nan papia tokante e krísis kresiente di abusu seksual kontra menornan di edat, kual a debilitá e iglesia.
E deliberashonnan lo wòrdu guiá pa un lei promové pa Papa Francisco riba 9 di mei. E lei ta obligá saserdote i brudernan rònt mundu pa denunsiá abusu kometé pa nan superiornan na outoridat eklesiástiko. E lei ta obligá pa pone Vatikano na altura i esun ku ta supervisá e denunsianan kontra e obispunan.
Un enkuesta nashonal publiká djamars pa Sentro di Investigashon Pew ta revelá e magnitut di malkontentu entre e katólikonan merikano. Segun un sondeo realisá den mart, un di kada kuater katóliko a indiká ku nan no ta bai misa ni hasi donashon mas, debí na e krísis di abusu. Solamente 36% ta elogiá e obispunan.
Segun Sentro di Investigashon Apliká di Apostolado, un fuente prestigioso di dato relashoná ku katolisismo, 45% di e katólikonan a bai misa un biaha pa luna na aña 2018, kompará ku 57% na aña 1990.
