WILLEMSTAD.- Perfecting Productions ta presentando un ripitishon di su promé obra teatral titulá “LIFE”.
Den e wikènt di 19 i 20 di òktober próksimo, públiko ta haña e chèns pa presensiá e ripitishon di e obra teatral “LIFE” ku a hasi un furor durante su promé presentashon den luna di Sèptèmber último.
Públiko a risibí e obra teatral aki ku gran entusiasmo, pasombra e obra teatral aki ta diferente for di lokual ku a kustumbrá di mira. Públiko a pidi ripitishon, i nos ta kumpli!
E obra “LIFE”, ku ta nifiká “BIDA” na Papiamentu, lo ta presentá na La Tentashon riba djabièrnè 19 di òktober i djasabra 20 di òktober 2018.
Riba djabièrnè 19 di òktober lo bai tin 1 funshon i portanan lo habri pa 7’or di anochi, i riba djasabra 20 di òktober, lo bai tin 2 funshon.
Portanan lo habri 3’or di atardi pa e promé funshon riba djasabra 20 di òktober i pa e di dos funshon riba e mesun djasabra 20 di òktober, portanan lo habri pa 8’or anochi.
Karchinan ta optenibel na Anaii Aesthetics, serka kada aktor o aktris i serka nos tim di produkshon. Por tuma kontakto ku nos via Facebook riba Perfecting Productions, via email na collaboration@perfectingproductions.com òf via telefòn na 670-7939.
Si bo forma bo grupo i kumpra 5 karchi òf mas, nos ta bini te serka bo i trese nan. Bo ke mira un “clean comedy” ku vários mensahe hopi profundo den dje? Awèl wak pa bo NO pèrdè “LIFE”!
