BOGOTA, COLOMBIA, AFP.- E presidente di Colombia, Ivan Duque, a anunsiá djaweps ku a detené ocho rebelde di ELN, e último gueria rekonosé na Colombia. Nan ta sospechoso den un atake ku bòm kontra un skol di polis na Bogotá na aña 2019.

Segun investigashon, e rebeldenan ta impliká den e atentado ku a mata 22 studiante, inkluyendo e agresor riba 17 di yanüari 2019 na Skol di Polis General Fransisco di Paula Santander, esun prinsipal den e pais, kual ta keda na sùit di e kapital.

E ocho detenidonan a partisipá den “planiamentu, finansiashon i ehekushon di e atentado i lo keda akusá ku asesinato, terorismo, finansiamentu di terorismo, labamentu di plaka i rebelion, segun indikashon di fiskal Fransisco Barbosa, den e mesun deklarashon.

Funshonarionan a detené 5 persona relashoná ku investigashon di e kaso aña pasa. Despues di e atake, e gobièrnu di presidente Ivan Duque a kibra tur kombersashon ku su antesesor Juan Manuel Santos a establesé.

Rekonosé komo e último gueria den e pais despues di un akuerdo di pas ku FARC, ELN tin mas di 2.300 kombatiente i un ret ekstenso di sosten. E grupo a wòrdu funda na aña 1964 i ta operá den 10% di 1.100 munisipio di Colombia, segun investigashonnan independiente.

LAGA UN KOMENTARIO

Please enter your comment!
Please enter your name here