LAGOS, NIGERIA, AP.- Ekiponan di emergensia tabata buskando entre ruinanan den un esfuerso desesperá pa reskatá muchanan i sobrá persona pegá den un skol di tres piso ku a kai djárason na Lagos. E morto di 8 persona a wòrdu konfirmá i 37 a wòrdu reskatá ku bida.
E famianan a rondoná restu di e edifisio, kual tabata un skol básiko. Nan tabatin speransa di haña mas mucha na bida, meimei di e ruinanan.
Vários persona a warda ansiosamente den besindario di Ita Faji, purbando di yuda ku labornan di reskate.
Segun testigunan tabatin sigur 100 mucha den e edifisio na momentu ku esaki a kolèps.
Ibrahim Fainloye, bosero di Agensia Nashonal pa Maneho di Emergensia, a informá ku 37 persona a wòrdu reskatá ku bida i ku a rekuperá ocho kadaver entre e ruinanan. Un kantidat indeterminá di persona ta pèrdí ainda.
