WASHINGTON, AP.- Organisashon di Estadonan di Amérika a disidí pa no rekonosé e segundo presidensia di Nicolás Maduro na Venezuela.

E Konseho Permanente di OEA a disidí pa “no rekonosé e periodo di régimen di Nicolás Maduro desde 10 di yanüari 2019”. E resolushon a wòrdu presentá pa Colombia na nòmber di Argentina, Brasil, Chile, Costa Rica, Merka, Paraguay i Perú.

Venezuela, kual a inisiá un proseso di dos aña pa bandoná e organisashon, a  rechasá e teksto.

E embahador venezolano den Nashon Uní, Samuel Moncada, a kalifiká e seshon komo “un akto hostil”  debí ku tabata “kontra boluntat di nos pais”.

E resolushon, adoptá ku 19 voto na fabor, i ocho apstenshon, seis kontra i un ousente, a urgi e 34 Estadonan miembro pa adoptá “medidanan diplomátiko, polítiko, ekonómiko i finansiero” pa “kontribuí na e restourashon di demokrasia den Venezuela”.

México a ninga di respaldá e deklarashon di Grupo di Lima, huntu ku Antigua i Barbuda, Barbados, Belize, El Salvador, Saint Kitts i Nevis, Trinidad i Tobago i Uruguay.

E teksto ta señalá ku por akordá e kondishonnan pa organisá elekshon presidensial nobo solamente mediante un diálogo nashonal, e ta pidi e gobièrnu di Caracas pa liberá prezunan polítiko inmediatamente i permití yudansa humanitario den Venezuela.

 

LAGA UN KOMENTARIO

Please enter your comment!
Please enter your name here