WASHINGTON, AP.- E empleadonan di Merka tabatin mas oferta di trabou den mei ku den luna di aprel, un indikashon di speransa di tres luna di un kontratashon debil.
E ofertanan di trabou a subi na un total di 3.6 mion, segun informashon di Departamentu di Trabou. Esaki tabata 3.4 na aprel. E sifra di e luna di mei tabata esun segundo di mas haltu den kasi kuater aña, hustamente despues di mart ku tabata 3.7 mion.
Sin embargo, e retironan tambe a subi, loke ta señalá ku e merkado laboral ainda ta den problema.
Un oumento den ofertanan lo por nifiká ku e kontratashon lo subi den e próksimo lunanan, normalmente e empleadonan ta trata entre un i tres luna pa kubri un trabou. Inkluso ku e oumento, e kompetensha di trabou ainda ta feros. Na mei tabatin 12.7 mion merikano den paro, kual ta un promedio di 3.5 desempleado pa kada puesto di trabou habrí. Den un merkado laboral saludabel e proporshon normalmente sa ta 2 pa 1.
