E kalor ta asina sofokante ku ta den laman tur hende ke ta. Aki na kanal Saint Martin na Paris
PARIS, FRANSIA, AFP.- E ola di kalor na Oropa, ku temperatura rèkert ku ta avansá, a dal kasi 100 mion hende i a pone na prueba e retnan eléktriko ku sobrekarga i kantidat di siudadano sin koriente.
Por lo ménos 94 mion di habitante ta lidia ku temperatura mas ku 35 grado selsio ayera djárason, segun kálkulonan di AFP, na gran parti di Fransia i Spaña.
Vários region di Reino Uní a pasa pa alerta kòrá pa e kalor ekstremo te ku djaweps anochi. Ta di dos bia ku ta aktivá e alerta akí for di 2021.
Ayera djárason, e pais a bati rèkert históriko di temperatura den e luna di yüni ku 35,7 grado selsio, segun e agensia britániko di meteorologia. Na Fransia i Spaña tambe e ola di kalor a laga rèkert di temperatura.
