WASHINGTON, MERKA, AFP.- E indignashon pa morto di George Floyd na Merka siman pasá, un siudadano afroamerikano mas ku a bira víktima di un agente polisial koló kla, ainda ta reina i protestanan ta kontinuando tambe. E manifestashonnan a sosodé ku disturbio, apesar ku mayoria lokalidat a imponé un toke de keda djadumingu. Mas di 150 persona a wòrdu detené pa violá e toke de keda.
Washington a registrá disturbio den serkania di Kas Blanku. Algun manifestante a sende e bandera di Merka na kandela i pinta diferente muraya ku mensahenan kontra polis.
Desénas di míles di merikano a protestá kontra brutalidat polisial, rasismo i sierto desigualdat ku e klase minoria ta sufri.
