E situashon general di tempu ta airu stabil i ménos húmedo ta kubri nos área pa awe, di manera ku esaki ta stroba desaroyo di nubianan signifikante i tambe redusí e posibilidat pa awa kai. No opstante esaki, ayera tardi un ola tropikal ta move poko poko di ost pa wèst riba e region den ost Laman Karibe. Miéntras mas lat den kuminsamentu di siman e ola tropikal aki lo kreá mihó chènsnan pa áwaseru riba nos isla. Banda di esaki, un patronchi di preshon suak ta sigui produsí forsa di bientu basta suave riba nos isla durante e próksimo dianan.
Temperatura máksimo lo alkansá 32°C i temperatura mínimo di 25°C.
Bientu ta supla prinsipalmente for di direkshon nortost i suak te moderá; forsa 2 te 3 (7 te 19 km/ora, 4 te 10 nudo). De bes en kuando ménos fuerte i for di un direkshon variá.
Kondishon di laman ta trankil ku altura di olanan ménos ku 1 meter (3 pia).
Solo ta sali 06:34 i ta baha 18:07.
No tin sistemanan signifikante di wer tropikal, tampoko fenómeno spesial.
Perspektiva te djamars atardi, ta wer de bes en kuando nubianan ta oumentá i awa lo kai spesialmente durante djamars mardugá i den dia.
Pronóstiko di tempu pa Kòrsou i bisindario bálido te djaluna atardi 6or.
