OM: Schotte mester presentá na prizòn mayan mainta 9’or

OM a rechasá petishon di Schotte pa entrega su mes na mart 2019

WILLEMSTAD.- Ministerio Públiko a kontesta e petishon di Gerrit Schotte, den kua esaki a hasi petishon pa entrega su mes na fin di mart 2019. Schotte a splika durante di un konferensia di prensa di ayera djaluna, ku el a duna tur e argumentonan pa kiko e ta hasi e petishon pa entrega su mes na mart 2019. Ministerio Públiko a kontesta entretantu i e kontesta na Schotte ta no.

Den kombersashon ku bosero di OM sr. Norman Serphos el a splika EXTRA ku bèrdat awe mainta Ministerio Públiko a manda un karta pa abogado di Schotte den kua ta konfirmá loke e kondenado mes a deklará durante di su konferensia di prensa, esta ku djarason mainta e ta bai prizòn. Solamente ku den e kaso aki e no por bai mèldu, pasobra prizòn no tabatin e dokumentashon nesesario. Entretantu tur dokumentashon ta kla i awor OM ta konfirmá na Schotte ku e mester presentá na prisòn djarason mainta 9’or pa e kuminsá sinta su kastigu. Mas detaye den próksimo edishon di EXTRA.

SHARE

LEAVE A REPLY