LONDON, AP.- Organisashon Mundial di Salú (OMS) a publiká su promé strategia global pa atendé ku e problema di mordé di kolebra. E ophetivo ta pa redusí e kantidat di morto òf personanan hèndikèp pa atake di un reptil na mitar. E ophetivo mester wòrdu lográ pa aña 2030
Kasi tres mion persona ta sufri kada aña pa mordé di un kolebra potensialmente venenoso, loke ta resultá den 138.000 morto. Siman pasá, ONG britániko Wellcome Trust a anunsiá un programa di 80 mion libra pa atendé ku e problema, señalándo ku por tèst remedinan nobo.
Dòkternan sin Frontera tabata “moderadamente optimista” tokante e strategia di OMS komo un “punto di inflekshon” pa atendé ku e mordénan, segun un komunikado.
E agensia a bisa ku e problema di mordénan ta un “epidemia skondé” i a agregá ku mayoria di e kasonan ta tratabel.
E programa di OMS ta inkluí plannan pa oumentá e akseso global pa e tratamentu i antídotonan.
