GINEBRA, SUISA, AFP.- Organisashon Mundial di Salú (OMS) a anunsiá djaluna ku lo suspendé tur ensayo klíniko di hydroxychloroquine temporalmente, kual tabata wòrdu di tèst den vários pais. E organisashon a tuma e desishon komo medida di prekoushon.
E revista médiko The Lancet a publiká un estudio ku ta konsiderá cloroquine i hydroxychloroquine komo inefikas pa kombatí COVID-19. E estudio a agregá ku e remedi chloroquine kisas ta asta kontraprodusente, asina e direktor general di OMS, Tedros Adhanom Ghebreyesus a bisa.
OMS a inisiá ku tèstnan klíniko tokante efektonan di e hydroxychloroquine, pa haña un tratamentu efikas kontra COVID-19.
Aktualmente, mas di 400 hospital den 35 pais ta reklutá pashènt i kasi 3.500 pashènt a wòrdu reklutá den 17 pais.
Segun e estudio den The Lancet, ni chloroquine ni hydroxychloroquine ta efikas kontra COVID-19 i e molekülnan aki ta asta oumentá riesgo di morto i problema ku kurason.
