WILLEMSTAD.- E website di EXTRA e siman aki a skohe e komposishon ‘Bo Wowonan’ di e agrupashon musikal ONE komo e ‘Kansion di Siman’.
Semanalmente www.extra-v2.mystagingwebsite.com ta skohe un piesa den kolaborashon ku Skempi ku a resaltá i ku ta keda promové riba e website.
Pa e siman aki e komposishon di Dibo D i areglo kombiná ku Randal Corsen ta esun ku a keda skohe i pa e okashon aki ‘DEN E BEMBE’ a tuma kontakto ku Dibo D i a informe di esaki.
‘Esaki ta un grato notisia pa mi. E eskoho sigur ta un empuhe pa sigui hasi loke nos ta para pe, paso kon ku bai bin e tabata un ‘challenge’ pa ami i e tim ku a lansa e merengue aki. Ta great pa mira kon mas dia pasa e kansion ta sigui krese. Mi tin ku gradisí Randal Corsen pa kere den e proyekto aki i na tur pa e sosten duna’, tabata e reakshon di Dibo D.

CIZZLE
Pa loke ta trata e grabashonnan ku Cizzle a hasi, Dibo D a indiká ku nan ta kla pa sali riba merkado pero ONE ta wardando e momentu oportuno pa hasi e lansamentu di dos piesa ku Cizzle a graba. “ONE time baby”.

 

LAGA UN KOMENTARIO

Please enter your comment!
Please enter your name here