VIENA, OUSTRIA, AP.- E paisnan miembro di OPEC i su aliado Rusia, a indiká djabièrnè ku a akordá pa redusí produkshon di krudo, pa oumentá preis na nivel mundial te otro aña.
E grupo a disidí ku lo redusí e produkshon ku 500.000 bari adishonal pa dia, pa asina purba subi entrada. Pero e desishon no tabata unu fásil. E grupo no kier duna Merka tur oportunidat di negoshi, kual ainda ta chupando mas petroli i saturando e merkado.
E redukshon aki ta parti di unu di 1,2 mion barí diario, apliká durante e último tres añanan ku a pasa.
E punto di frikshon di e negosiashonnan, kual a ekstendé durante dos dia tabata kon lo repartí e redukshon entre e 14 paisnan ku ta integrá OPEC i nashonnan manera Rusia ku ta koordinadó produkshon ku e konsorsio den añanan resien.
Invershonistanan a keda impreshoná ku e resolushon di OPEC, kousando un oumento den preis di krudo.
