CARACAS VENEZUELA, AFP.- E outorisashon di gobièrnu di Merka na e gigante energétiko Chevron pa operá na Venezuela apesar di sanshonnan kontra e pais lo duna un push na e produkshon petrolero venezolano, ounke e lo tin un impakto limitá den e merkado internashonal, segun spesialistanan.
Ku e lisensia aki pa seis luna, Chevron lo kuminsá bèk ku aktividatnan den e empresanan di kual e ta sosio ku PdVSA, pero e departamento di finansa a atvertí ku e estatal venezolano no lo risibí entrada pa benta di kompanianan merikano.
