CARACAS, AP.- E partido opositor di Asamblea Nashonal Venezolano a denunsia desaparishon di un diputado despues ku el a bandoná e palasio legislativo. E partido a bisa ku su bida ta na peliger dor ku el a wòrdu sekuestrá pa supuesto gruponan pro ofisialista arma.
E parlamentarionan a kanselá nan plan inisial di reuní na e sede legislativo den sentro di e kapital mirando ku Juan Guaido no ta na Venezuela.
E kongresista di Boluntat Popular, Adriana Pichardo a denunsia ku e diputado suplenete Ismael Leon a disparsé algu despues ku el a bandoná e sede di partido Akshon Demokrátiko, na nort di e kapital.
“Ni su famia, ekipo òf kompañeronan sa unda e ta”. Outoridat no a duna komentario riba e situashon.
Un komishon di kongresista a purba yega e palasio legislativo siman pasa, pero diferente persona, den su mayoria siguidó di gobièrnu a blòkia kaminda pa nan pasa. Nan vehíkulo blindá a wòrdu ataka ku piedra, obligando e opositornan pa retirá i realisá un seshon na un otro punto di e kapital venezolano.
