WASHINGTON, MERKA, AFP.- Embahada di Venezuela na Washington, esena di konfrontashonnan kuater aña pasá, kual a reflehá e tenshonnan interno a anunsiá djabièrnè ku e lo sera su portanan despues ku oposishon a disolvé e gobièrnu interino.

Merka, inkluyendo 50 pais mas, a konsiderá desde yanüari 2019 ku e lider opositor Juan Guaidó ta presidente legítimo di Venezuela. Diplomátikonan di e presidente iskierdista, Nicolás Maduro, a bandoná e establesimentu vários luna despues ku Organisashon di Merka a aseptá e representante di Guaidó.

Pero ku Maduro firmemente na poder ainda, oposishon a disidí pa disolvé e gobièrnu interino luna pasá.

E embahador saliente, Carlos Veccio, den su propio deklarashonnan a lamentá e “eror polítiko, ekonómiko, i moral” di oposishon i a bisa ku “Maduro ta e úniko ku ta benefisiá di e desishon aki”.

Merka i vários pais mas a rekonosé Guaidó pa motibu ku e tabata lider di Asamblea Nashonal skohé na 2015, i pa motibu di un elekshon ku Maduro a gana pero mayoria ta konsiderá ku el a gana esaki legítimamente.

…Presidente venezolano Nicolás Maduro…

LAGA UN KOMENTARIO

Please enter your comment!
Please enter your name here