CARACAS, AP.- E inflashon na Venezuela durante último 12 lunanan a yega 833.997%, segun kalkulashonnan di Asamblea Nashonal, kual ta kontrolá oposishon.
E tasa di inflashon na final di òktober tabata 148,2%, kual ta 85% mas ku e tasa di sèptèmber. Rafael Guzman, miembro di Komishon di Finansa, a atribuí e bahada na e kaida den konsumo.
Despues ku Banko Sentral di Venezuela a stòp di publiká sifranan ofisial di inflashon den 2016, Asamblea Nashonal a asumí e tarea na 2017. Legislashon ta kalkulá e índise nashonal di preis ku un muestra di 362 produkto i servisio di 2.200 negoshi den e seis siudatnan mas grandi, inkluyendo Caracas.
Segun kalkulashonnan di Fondo Monetario Internashonal, e inflashon na Venezuela lo yega 10 mion porshento pa aña 2019.
Venezuela ta pasando den su krísis ekonómiko mas grave den historia, despues di dos dékada di gobièrnunan sosialista. Hiperinflashon, skarsedat di produktonan básiko manera kuminda i medisina i un reseshon profundo ku a obligá mayoria venezolano pa emigrá.
Segun kalkulashonnan di Nashon Uní, mas di 1,9 mion venezolano a bandoná su pais desde 2015.
