CUBA, AF.- E grupo opositor Archipiélago a denunsiá ku e militarisashon ekstremo di kayanan i e blokeo di mas di 100 aktivista na Cuba a stroba e marcha ku tabata planiá, i p’esei ta ekstendé e akshonnan di protesta te ku 27 di novèmber.
E gobièrnu a kontestá ku militarisashon ekstremo den kayanan, mas di 100 aktivista a keda sitá, detenshonnan arbitrario, desaparishon forsa, aktonan di repudio, violensia, menasa i diskushonnan di odio, asina un deklarashon mandá dor di Archipiélago pa AFP a bisa, kual ta e grupo di debate polítiko ku a organisá e manifestashon frustrá di djaluna pasá.
E grupo, ku 30 mil miembro den i pafó di e isla, a konvoká e marcha pa liberashon di prezunan polítiko, pa derechi di siudadanonan i demokrasia apesar di ku outoridatnan a prohibí e protesta ei i a atvertí ku sanshonnan penal.
